Snake Ke Zehar Se Mehfooz Rehne Ka Amal

Saanp ke katay se mehfooz rehne ke liye Surah Al Fatiha, Ayat Al Kursi or charon Qul 3 3 martaba parh kar lahori namak par dam karein or saanp ke katay huway mareez ko yeh namak khilayen or saanp ke katay ki jagah par malein Insha Allah sehat hasil hogi.

Khooni Dast Ka Ilaj

Khooni dast ke azala ke liye Ism-e-Bari Ta'la Ya Hafeezu 300 bar pani par dam kar ke pilana mufeed hai.

Dil Ke Dard Ka Ilaj

Dil ke dard ke liye cheeni ke plate par Surah Fatiha likh kar pani se dho kar wo pani dil ke mareez ko pilaya jaye. Dard Allah ke fazal-o-karam se jata rahe ga.

Nasbandi Se Nijat Ke Liye Amal

Aksar o beshtar log hasad, jalan, keena, bughz ya intiqam lene ke gharz se jadoo tona ke zariya nasbandi karwa dete hein jis ki waja se mutasira shakhs apni biwi ke sath intercourse karne ke qabil nahi rehta.

Agar kisi shakhs ki jadoo waghera ke zariya nasbandi kardi gai ho to kisi pak partan par Surah Lam Yakunil Lazina Kafaru is tarah likhen ke koi huroof mita huwa no ho dho kar usay pilaya jaye. Yeh amal 3 din tak kiya jaye. Insha Allah wo jima (humbistari) par qadir hoga.